Vergaangen Aktivitéiten
Eng Fotosausstellung am REWA „Résidence Op der Waassertrap“ zu Belval. D’Ausstellung weist zwou Serien: „Les couleurs de la sidérurgie“, déi d’Kraaft an d’Faarwe vun der Stolindustrie afänkt, an „Beautés éphémères“, eng poetesch Serie iwwer vergänglech Schéinheet.
De Photo-Club Déifferdeng war bei der Vernissage vun der Expo zu Saulnes dobäi, wou d'Brigitte, de Frank, de Jean-Claude, de Mario an de John hier fotografesch Aarbechten an engem frëndlechen a kreativen Kader presentéiert hunn.
Mat engem gemittlechen Ofschloss-Owend bei der Giedel am Fonds-de-Gras hu mer d’Joer feierlech ausklénge gelooss.
Membere vum Photo-Club Déifferdeng hunn d'Dierfer vun der Gemeng fotograféiert, fir der Ville de Differdange eng Auswiel fir eng permanent Ausstellung ze bidden.
E kreativen Fotoworkshop mam Mariola: Portrait-Übungen am Studio an Outdoor-Shoots op verschiddene Plazen. Vill Praxis, gutt Stëmmung, staark Resultater.
D’PCD-Ausstellung 2025 huet rëm gewisen, wéi vill Kreativitéit an eiser Regioun stécht. Iwwer vill verschidde Themen a Stiler hunn d’Memberen an d’Participanten hir beschte Wierker gewisen. Am Kader vum Concours goufen déi staarkst Fotoen ausgezeechent – en flotten Vernissage mat vill Visiteuren an engem schéinen Owend fir d’Fotokonscht zu Déifferdeng.
De Photo-Club Déifferdeng huet fir JUKOWO 2025 e Präis gestëft an d’Gewënner*in invitéiert, 2026 bei eiser H2O-Ausstellung matzemaachen. Mir freeën eis, déi jonk Kreativitéit ze förderen an e Bléck op déi nächst Generatioun vu Fotobegeeschterten ze werfen!
Den Vernissage vun eiser Fotoausstellung den 1ten Mai an der Eglise Sainte-Barbe zu Lasauvage war e flotte Start an déi nei Expo-Saison. Vill Visiteuren hunn déi divers Aarbechten vun eisen 13 Fotografen entdeckt.
